Khalifa ke baray main Al-Quran kia kehta hai

Khalifa ke maney Janasheen ke hein. Jiska tasalsul har zamane mein mukhtalif uhdon aur shobo mein jari rehta hai. Lakin Islam ki mazhabi tareekh aur riwayaat mein hum ye sunte aye hein ke Islam mein chaar (4) Khalifa hein aur iss ke baad khalafat ruk gai. Jabke Quran se iss baat ki wazahat hoti hai ke Khilafat / Janasheeni har zamane mein un logo mein jari rehti hai jo Allah ki kitab ke waris hote hein. Namaz qaim karte hein aur Allah ki kitab se hi dars laite hein aur isee ki logon ko taalim daite hein. Iss tarha ke logon ko Allah har zamane mein Khalifa / Janasheen muqarrir karta hai. Allah ki kitab se iss baat ki shanakht aur wazahat hoti hai ke kaun kirdar ke lehaz se Allah ke banaye hoey Khalifa / Janasheen hein aur kaun khud sakhta khalifa hein. Ye dars in sab nukat ko tafseel se bayan karta hai aur iss baat ki wazahat karta hai ke Allah ki nazar mein aaj kaise Khilafat / Janasheeni hasil ki jaye.